Қазақстан Ұлттық Банкі

Сұрақтар 98 сұрақ

Санат: Ұлттық валюта

Беларусь рублін қайдан айырбастауға болады?

Жауап

Қазақстан Республикасындағы жеке тұлғалар қолма-қол шетелдік валютаны басқа қолма-қол шетелдік валютаға тек уәкілетті банктер мен уәкілетті ұйымдардың (банктік емес айырбастау пункттері) айрыбастау пункттерінен ғана сатып ала алады және (немесе) сата алады.

Қазақстан Республикасындағы жеке тұлғалар қолма-қол шетелдік валютаны басқа қолма-қол шетелдік валютаға тек уәкілетті банктер мен уәкілетті ұйымдардың (банктік емес айырбастау пункттері) айрыбастау пункттерінен ғана сатып ала алады және (немесе) сата алады.

Айырбастау пунктері нарықтағы сұраныс пен ұсынысқа қарай, айырбастау операцияларын жасау үшін қолма-қол шетелдік валютаның тізімін өздері белгілейді.

Осылайша, шетелдік валютаны айырбастау (соның ішінде, Беларусь рублін айырбастау) мәселесіне қатысты  сұрақпен Сіз айырбастау пунктіне жүгіне аласыз.

Банктік емес айырбастау пунктерінің мекен-жайын біздің сайтымыздан білуге болады.

Санат: Ұлттық валюта

Еуро монетасын (номиналы 2 евро) қайдан айырбастап алуға болады?

Жауап

Еуро монетасын айырбастауға қатысты сұрақтың мән-жайын тікелей уәкілетті банк пен уәкілетті ұйымның (банктік емес айырбастау пункті) айырбастау пункттерінен білуге болады. Банктік емес айырбастау пункттерінің мекен-жайын  біздің сайтымыздан біле аласыз.

Еуро монетасын айырбастауға қатысты сұрақтың мән-жайын тікелей уәкілетті банк пен уәкілетті ұйымның (банктік емес айырбастау пункті) айырбастау пункттерінен білуге болады. Банктік емес айырбастау пункттерінің мекен-жайын  біздің сайтымыздан біле аласыз.

Айта кетейік, уәкілетті банктер мен уәкілетті ұйымдардың айырбастау пунктері шетелдік монеталарды (мемлекеттер тобының монеталарын), соның ішінде, еуро монеталарын сатып алу, сату және айырбастау мәселесіне қатысты шешімді өздері қабылдайды.

Санат: Ұлттық валюта

Ұлттық Банктен шетелдік валютаны айырбастап алуға бола ма?

Жауап

Қазақстан Республикасындағы жеке тұлғалар қолма-қол шетелдік валютаны басқа қолма-қол шетелдік валютаға немесе қолма-қол ұлттық валютаға тек уәкілетті банктер мен уәкілетті ұйымдардың (банктік емес айырбастау пункттері) айрыбастау пункттерінен ғана сатып ала алады және (немесе) сата алады.

Санат: Ұлттық валюта

Менде шетел валютасындағы мыжылған және жыртылған банкноттар бар. Осы банкноттарды қайда және қалай айырбастап ала аламын?

Жауап

Егер қолма-қол ақшадағы шетелдік валютаның банкноты бүлінген болса (мыжылып, жыртылған болса) ол ақшаның айналымға қаншалықты жарамды-жарамсыз екенін анықтап алу керек.

Егер қолма-қол ақшадағы шетелдік валютаның банкноты бүлінген болса (мыжылып, жыртылған болса) ол ақшаның айналымға қаншалықты жарамды-жарамсыз екенін анықтап алу керек.

Айналымға жарамсыз, соның ішінде, төлемге жарамсыз банкноттарды ауыстыру үшін (валютаны шығарған банк айналымнан алып тастаған банкноттар) тиісті шетелдік валютамен инкассалық операция жасайтын шетелдік банктермен корреспонденттік қарым-қатынас және (немесе) келісім орнатқан екінші деңгейлі банктерге бару керек.

Санат: Ұлттық валюта

Тазартылған алтын құймалардың құны?

Жауап

Алтын құймалардың бағасын екінші деңгейлі банктер мен уәкілетті органдар (банктік емес айырбастау пунктері) өздері бекітеді. Құймалардың бағасын банкттердің сайтынан білуге болады («Қазақстанның Халық Банкі» АҚ, «Еуразиялық Банк» АҚ, «First Heartland Jysan Bank» АҚ, «Банк ЦенрКредит» АҚ және банктік емес жекелеген айырбастау пунктері).

Санат: Ұлттық валюта

Тазартылған өлшемді алтын құймаларын қайдан сатып алуға болады?

Жауап

Тазартылған алтын құймаларды екінші деңгейлі банктерден («Қазақстанның Халық Банкі» АҚ, «Еуразиялық Банк» АҚ, «First Heartland Jysan Bank» АҚ, «Банк ЦенрКредит» АҚ) және банктік емес жекелеген айырбастау пунктерінен сатып алуға болады. Ұйымдардың тізімін Ұлттық Банктің филиалдарынан біле аласыз. Ұлттық Банк филиалдарының мекен-жайы мен байланыс деректері сайтымызға жазылған.

Санат: Ұлттық валюта

Монета «proof» сапасында жасалды дегеніміз қандай мағына береді?

Жауап

«Proof» сапасы – монета соққан кезде айнадай жылтыр беті жасалатын  ерекше технология. Қазақстан Республикасының Ұлттық Банкі 1999 жылдан бері «proof» сапасында бағалы металлдардан коллекциялық монеталар шығарып келеді.

Санат: Ұлттық валюта

Бұрын сатып алған коллекциялық монетаны Қазақстанның Ұлттық Банкіне қайтарып беруге бола ма, болатын болса, қалай қайтару керек?

Жауап

Коллекциялық монеталар бағалы металлдардан (алтын мен күміс) және бағалы емес металлдардан (мельхиор мен никель күмісінен) санаулы тиражда дайындалады. Олар коллекция ретінде жинап, нумизматикалық (екінші) нарықты дамытуға арналған, екінші нарықта олардың сұранысы тиражына, тақырыбына, дизайнына, дайындалған сапасына және қолданылған технологияның жаңалығына байланысты болады.

Коллекциялық монеталар бағалы металлдардан (алтын мен күміс) және бағалы емес металлдардан (мельхиор мен никель күмісінен) санаулы тиражда дайындалады. Олар коллекция ретінде жинап, нумизматикалық (екінші) нарықты дамытуға арналған, екінші нарықта олардың сұранысы тиражына, тақырыбына, дизайнына, дайындалған сапасына және қолданылған технологияның жаңалығына байланысты болады.

Ұлттық Банк жеке және заңды тұлғалардан тек Ұлттық Банк шығарған коллекциялық монеталарды сатып алады. Басқа мемлекеттердің коллекциялық монеталары қабылданбайды.

Бағалы емес металлдан жасалған коллекциялық монетаны сатып алған кезде клиентке оның номиналды құны төленеді. Бағалы металлдардан жасалған коллекциялық монеталарды сатып алған жағдайда, таза бағалы металл екенін, оның құймасы мен граммен өлшенетін салмағын анықтау үшін сараптама жасалады.

Бағалы металлдардан жасалған коллекциялық монеталарды сатып алған кезде оның бағасы таңғы фиксинг (АҚШ долларымен есептегендегі тиісті бағалы металл бағасы) пен АҚШ долларына шаққандағы теңгенің орта биржалық бағамы ескеріліп есептеледі. АҚШ долларына шаққандағы бағалы металлдардың бағасын www.lbma.org.uk сайтынан көруге болады.

Егер бағалы металлдардан жасалған коллекциялық монетаны сатып алу бағасы монетадағы таза металл құрамының (құймасы мен салмағы көрсетілген) құны бойынша Ұлттық Банк Директорлар кеңесі бекіткен сату бағасынан асып кетсе, онда клиентке монетаның әуел бастағы сатылған бағасы төленеді.

Санат: Ұлттық валюта

Монетаны интернет-дүкеннен қалай сатып алуға болады? 

Жауап

1. KAZCOINS.NATIONALBANK.KZ САЙТЫНА ТІРКЕЛІҢІЗ

1. KAZCOINS.NATIONALBANK.KZ САЙТЫНА ТІРКЕЛІҢІЗ

  • Тіркелу үшін ТАЖ, ЖСН, телефон нөмірін, жеткізетін мекен-жайды жазу керек.
  • НАЗАР АУДАРЫҢЫЗ! Құпия сөз қауіпсіздік саясатына сай болуы керек: кемінде 8 символ (бір бас әріп, сандар, латын әліппиімен жазылған арнайы символдар).

  • Авторизациядан өту керек.

2. ӨЗІҢІЗДІ ҚЫЗЫҚТЫРҒАН МОНЕТАНЫ ТАҢДАП, ТӨЛЕМ ЖАСАУ КЕРЕК

  • НАЗАР АУДАРЫҢЫЗ! Сатып алуға болатын монеталардың саны шектеулі.
  • Төлем жасар алдында төлем картаңыздың интернет-транзакция бойынша шектеуі жоқ екеніне көз жеткізіңіз (төлем жасауға қажетті қаражат барын тексеріңіз).
  • Мекен-жайыңыздың дұрыс екеніне көз жеткізген соң, тауардың ақшасын төлеу керек (осы кезеңде мекен-жайды ауыстыра аласыз).
  • Сайт әкімшісі тапсырысты мақұлдағанын «Менің тапсырыстарым» бөліміне кіріп біле аласыз (өтініш 2 жұмыс күні ішінде мақұлданады).

3. ТАПСЫРЫСТЫ АЛУ

  • НАЗАР АУДАРЫҢЫЗ! Төлем тарифі аймаққа байланысты өзгереді (жеткізетін мекен-жайға байланысты).

Санат: Ұлттық валюта

Коллекциялық монеталарды қайдан алуға болады?

Жауап

Коронавирус инфекциясының көптеп таралуына байланысты 2021 жылдың 19 сәуірінен бастап коллекциялық монеталар ілкі жоба ретінде Ұлттық Банктің интернет-дүкені арқылы сатылады.

Коронавирус инфекциясының көптеп таралуына байланысты 2021 жылдың 19 сәуірінен бастап коллекциялық монеталар ілкі жоба ретінде Ұлттық Банктің интернет-дүкені арқылы сатылады.

Қазір біз интернет-дүкенді жетілдіріп, монеталарды сатудың басқа да баламалы жолдарын қарастырып жатырмыз.

Жоғарыға