Ұлттық Банктің ақша-кредит саясаты – бағалардың тұрақтылығын қамтамасыз ету үшін экономикадағы ақша құнын реттеуге бағытталған шаралар кешені. Орташа мерзімді перспективада инфляцияның тұрақты деңгейіне қол жеткізу тұрақты экономикалық өсудің негізін қалаушы факторы болып табылады.

Ұлттық Банктің ақша-кредит саясатының мақсаты инфляцияны белгіленген бағдарлар шегінде ұстау болып табылады.

Инфляция бойынша орта мерзімді таргет 3-4% деңгейінде белгіленген. Теңгерімді экономикалық дамуды қамтамасыз ету мақсатында Ұлттық Банк инфляцияны осы деңгейге дейін біртіндеп төмендетуді жүзеге асыруға ұмтылады. Бұл үшін нысаналы бағдарлар келесі түрде орнатылды:

• 2021-2022 жылдарға – 4-6%;
• 2023-2024 жылдарға – 4-5%;
• 2025 жылдан бастап – 3-4%.