1477

Байланыс орталығы

Жұмыс күндері, сағат 09:00-ден 18:30-ға дейін

Кеңейтілген айқындаудағы экономика кредиттері 2024 жылғы 1 ақпандағы жағдай бойынша 34,6 трлн теңгені құрады, бұл 2024 жылдың басындағы деңгейге сәйкес келеді (0,3% - ға шамалы төмендеу). Қарыз алушылардың санаттары бойынша 16,2 трлн теңге немесе кредиттердің жиынтық көлемінің 46,8%-ы бизнес кредиттеріне (бизнес мақсаттарына кредиттер алған қаржылық емес заңды тұлғалар мен дара кәсіпкерлер), 18,4 трлн теңге немесе 53,2% – халыққа берілетін кредиттер. Ұлттық валютадағы кредиттер көлемі 31,7 трлн теңгені (91,7%), шетел валютасында – 2,9 трлн теңгені (8,3%) құрады. Банк секторының кредиттері кредиттердің жалпы көлемінің 86,0%-н құрады.

Деректер көздерінің өзгеруіне және микроқаржы ұйымдарының кредиттері бойынша есептік ақпарат жинаудың ай сайынғы негізге ауысуына байланысты 2023 жылғы 01 шілдедегі жағдай бойынша есептерден бастап кеңейтілген айқындаудағы экономиканы кредиттеу жөніндегі статистиканың жариялануы тоқсандық негізден ай сайынғы негізге ауыстырылды

Кеңейтілген айқындаудағы экономикаға кредиттер бұл кредиттер бойынша нақты берешектің қалдықтары туралы мәліметтер болып табылады:

  • банк секторы (екінші деңгейдегі банктер, «Отбасы банкі» АҚ және «Қазақстанның Даму Банкі» АҚ қоса алғанда),
  • ипотекалық ұйымдар («Қазақстандық тұрғын үй компаниясы» АҚ, «Экспресс Финанс» Ипотекалық ұйымы» АҚ),
  • квазимемлекеттік сектордың басқа субъектілері (нақты секторға кредит беруді жүзеге асыратын «Бәйтерек» ҰБХ» АҚ еншілес ұйымдары: «Аграрлық кредиттік корпорация» АҚ, «ҚазАгроҚаржы» АҚ, «Өнеркәсіпті дамыту қоры» АҚ, «Қазына Капитал Менеджмент» АҚ),
  • микроқаржы қызметін жүзеге асыратын ұйымдар (микроқаржы ұйымдары, кредиттік серіктестіктер және ломбардтар).

Деректер бизнеске кредиттер (заңды тұлғаларға және жеке кәсіпкерлерге бизнес мақсаттарына кредиттер) және халыққа кредиттер (жеке тұлғаларға бизнеспен байланысты емес мақсаттарға кредиттер) санаттарын бөлектеу арқылы ұсынылған.

Банк секторы мен екінші деңгейдегі банктердің несиелері туралы толығырақ ақпаратты мына сілтемелер бойынша алуға болады:

Банк секторының кредиттері

Екінші деңгейдегі банктердің кредиттері - берешек көлемі мен сыйақы мөлшерлемелері бойынша жиынтық деректер

Екінші деңгейдегі банктердің кредиттері - талдамалық кестелер

Жоғарыға