Тұтастай алғанда Қазақстанның төлем жүйелері арқылы (Банкаралық ақша аударымы жүйесі және Банкаралық клиринг жүйесі) 2017 жылы 850 582,5 млрд. теңге сомаға 36,6 млн. транзакция жүргізілді. 2016 жылмен салыстырғанда төлем жүйелеріндегі төлемдер саны 3,5%-ға (1 247,4 мың транзакцияға) көбейді, төлемдер сомасы 44,0% (259 895,3 млрд. теңгеге) көбейді.

Банкаралық ақша аударымдары жүйесі (БААЖ)

2017 жылы БААЖ арқылы 844 150,0 млрд. теңге сомаға 15,1 млн. транзакция жүзеге асырылды. 2016 жылмен салыстырғанда төлемдер саны 7,8%-ға (1 088,3 мың транзакцияға) ұлғайды, төлемдер сомасы 44,4% (259 478,3 млрд. теңгеге) ұлғайды.

Орташа алғанда бір күнде БААЖ арқылы 2017 жылы 3 445,5 млрд. теңге сомаға 61,6 мың транзакция өтті, бұл 2016 жылғы деңгейден саны бойынша 7,8%-ға (4,4 мың транзакцияға) және сомасы бойынша 44,4% (1 059,1 млрд. теңгеге) көп.

Банкаралық клиринг жүйесі

2017 жылы бөлшек төлемдер ағыны 6 432,5 млрд. теңге сомаға 21,5 млн. құжат болды. 2016 жылмен салыстырғанда клиринг жүйесіндегі құжаттар саны 0,7% (159,1 мың құжат) көбейді, төлемдер сомасы 6,9% (417,1 млрд. теңге) өсті.

Орташа алғанда бір күнде клиринг жүйесі арқылы 2017 жылы 26,3 млрд. теңге сомаға 87,6 мың төлем құжат өтті, бұл 2016 жылғы деңгейден төлемдер саны бойынша 0,7%-ға (0,6 мың транзакция) және төлем сомасы бойынша – 6,9%-ға (1,7  млрд. теңге) көп.