Коллекциялық монеталарды айналымға шығару туралы
Қазақстан Ұлттық Банкі (бұдан әрі – ҚҰБ) 2022 жылғы 13 қыркүйекте «Есте қалатын оқиғалар мен біртуар адамдар» сериясынан «ҚАЗАҚСТАН. БҰҰ. 30 ЖЫЛ», «АЗИЯДАҒЫ ӨЗАРА ІС-ҚИМЫЛ ЖӘНЕ СЕНІМ ШАРАЛАРЫ КЕҢЕСІ. 30 ЖЫЛ», «ҚАЗАҚСТАН-ҚЫТАЙ. ДИПЛОМАТИЯЛЫҚ ҚАТЫНАСТАРЫНА 30 ЖЫЛ», «ҚАЗАҚСТАН-РЕСЕЙ. ДИПЛОМАТИЯЛЫҚ ҚАТЫНАСТАРЫНА 30 ЖЫЛ» коллекциялық монеталарын айналымға шығарады. Монеталарды шығаруға Қазақстан Республикасының Сыртқы істер министрлігі бастамашы болды.
Монеталардың сатылымға түсетін күніне қатысты ақпарат ҚҰБ-тың ресми сайтында қосымша жарияланады.
«ҚАЗАҚСТАН. БҰҰ. 30 ЖЫЛ» коллекциялық монеталары туралы
Монеталар дизайнында Қазақстан картасы контурының аясында орналасқан Біріккен Ұлттар Ұйымының ресми эмблемасы пайдаланылды. Дизайнның қосымша элементтері – Қазақстанның БҰҰ-ға қатысушы елдерге тиесілі екенін білдіретін жұлдыздар. Монета реверсінің төменгі бөлігінде атаулы күндердің белгісі бар: 1992 – Қазақстанның БҰҰ-ға кірген жылы, 2022 – мерейтойлық дата мен естелік монетаның айналымға шығатын жылы.
Монеталардың бейнесі
«АЗИЯДАҒЫ ӨЗАРА ІС-ҚИМЫЛ ЖӘНЕ СЕНІМ ШАРАЛАРЫ КЕҢЕСІ. 30 ЖЫЛ» коллекциялық монеталары туралы
Монеталар дизайнында өңірдегі тұрақтылық пен қауіпсіздікті қамтамасыз ету үшін Азия құрлығындағы мемлекеттерді біріктіретін халықаралық форум – АӨСШК-тің ресми логотипі пайдаланылды.
Монеталардың бейнесі
«ҚАЗАҚСТАН-ҚЫТАЙ. ДИПЛОМАТИЯЛЫҚ ҚАТЫНАСТАРЫНА 30 ЖЫЛ» және «ҚАЗАҚСТАН-РЕСЕЙ. ДИПЛОМАТИЯЛЫҚ ҚАТЫНАСТАРЫНА 30 ЖЫЛ» коллекциялық монеталары туралы
Монеталар дизайнындағы «30» саны шексіздік белгісін және өзара қарым-қатынастың үздіксіз дамуын білдіреді. Елдерге тән ұлттық ою-өрнектердің қосылуы мәдениеттердің өзара байланысын, саяси және экономикалық қарым-қатынастардың одан әрі дамуын көрсетеді.
«ҚАЗАҚСТАН-ҚЫТАЙ. ДИПЛОМАТИЯЛЫҚ ҚАТЫНАСТАРЫНА 30 ЖЫЛ» монеталарының бейнесі
«ҚАЗАҚСТАН-РЕСЕЙ. ДИПЛОМАТИЯЛЫҚ ҚАТЫНАСТАРЫНА 30 ЖЫЛ» монеталарының бейнесі
Қазақстанның БҰҰ-ға мүшелігінің 30 жылдығына және АӨСШК-тің 30 жылдығына арналған коллекциялық монеталар мельхиор қоспасынан тұрады, массасы – 15 грамм, сапасы – proof-like, номиналы – 100 теңгелік, таралымы – 2 000 дана.
Дипломатиялық қатынастардың 30 жылдығына («ҚАЗАҚСТАН-ҚЫТАЙ», «ҚАЗАҚСТАН-РЕСЕЙ») арналған коллекциялық монеталардың массасы 15 грамм, мельхиор қоспасынан жасалған, сапасы – proof-like, номиналы – 100 теңгелік, таралымы – 3 000 дана.
Коллекциялық монеталар Қазақстан Республикасының бүкіл аумағында өздерінің белгіленген құнына сай төлемдердің барлық түрі бойынша қабылдануға, сондай-ақ ҚР барлық банкінде банк шоттарына есепке алынуға және аударуға, ұсақталуға және айырбасталуға жатады.
Коллекциялық монеталар Қазақстан теңге сарайында дайындалды.
Толығырақ ақпаратты БАҚ өкілдері мына телефон арқылы алуына болады:
+7 (7172) 77-52-10
e-mail: press@nationalbank.kz
www.nationalbank.kz