Хабарламаның толық мәтіні:

Әкімшілік ғимаратын және БӨП кіреберіс бөлігін ағымдағы жөндеу жұмысын тендер тәсілімен сатып алу туралы хабарландыру

«Қазақстан Республикасының Ұлттық Банкі» республикалық мемлекеттік мекемесінің Кассалық операциялар және құндылықтарды сақтау орталығы (филиалы), орналасқан мекенжайы: Қазақстан Республикасы, А01Т7М2, Алматы қаласы. Райымбек даңғылы, № 511-үй, электрондық мекенжай – Abdiev@nationalbank.kz, тел. 8 (727) 25-88-779, 8 (727) 25-88-707, 8 (727) 25-88-774, 8 (727) 25-88-775 әкімшілік ғимаратын және БӨП кіреберіс бөлігін ағымдағы жөндеу жұмысын тендер тәсілімен сатып алу туралы хабарлайды.

Тендер талаптары:

1. Сатып алынатын Жұмыстың атауы, саны және ҚҚС сомасын есепке алмағанда сатып алуға бөлінген сома:

Әкімшілік ғимаратын және БӨП кіреберіс бөлігін ағымдағы жөндеу, саны 1 (бір) жұмыс, бөлінген сома 15 969 354 (он бес миллион тоғыз жүз алпыс тоғыз мың үш жүз елу төрт) теңге 46 тиын.

2. Сатып алынатын Жұмыстың техникалық сипаттамасы тендер талаптарының 1 -қосымшасында көрсетілген.

3. Маңызды талаптары көрсетілген Сатып алу шартының жобасы тендер талаптарының 2-қосымшасында көрсетілген.

4. Жұмысты орындау орны сатып алу туралы шарт жобасында көрсетілген.

5. Жұмысты орындау талап етілген мерзім сатып алу туралы шарт жобасында көрсетілген.

Тендерлік өтінімді беру және ресімдеу тәртібі Қазақстан Республикасы Ұлттық Банк Басқармасының 2018ж. 27 тамыздағы № 192 қаулысымен бекітілген, Қазақстан Республикасы Ұлттық Банкінің, оның ведомстволарының, оның құрылымына кіретін ұйымдардың және дауыс беретін акцияларының (жарғылық капиталға қатысу үлестерінің) елу және одан да көп пайызы Қазақстан Республикасының Ұлттық Банкіне тиесілі немесе оның сенімгерлік басқаруындағы заңды тұлғалардың және олармен үлестес заңды тұлғалардың тауарларды, жұмыстарды және көрсетілетін қызметтерді иеленуі қағидаларының (бұдан әрі – Қағида) 4-параграфында көзделген.

Конвертке салынып желімделген тендерлік өтінімдерді әлеуетті өнім берушілер немесе олардың уәкілетті өкілдері сатып алуды ұйымдастырушының қолына немесе тапсырыс поштаны пайлаланып мына мекенжайы  бойынша береді: А01Т7М2, Алматы қ., Райымбек  даңғылы, № 511 үй, «Қазақстан Республикасының Ұлттық Банкі» республикалық мемлекеттік мекемесінің Кассалық операциялар және құндылықтарды сақтау орталығы (филиалы).

Тендерлік өтінімдер көрсетілген мекенжайда БӨП (бақылау-өткізу пункті) ғимаратында қолға беріледі. Әлеуетті өнім берушілер немесе олардың уәкілетті өкілдері БӨП-ке келеді, содан кейін осы Хабарландыруда көрсетілген телефондар арқылы тендерлік комиссия хатшысына өзінің тендерлік өтінімдерді беру үшін келіп тұрғанын хабарлайды және оның келуін күтеді. Тендерлік өтінімдер хатшыға тендерлік өтінімдерді тіркеу журналына қол қоя отырып беріледі, ол үшін өзімен бірге жеке куәлігі және танысу үшін тұлғаның сенімхатқа қол қою уәкілеттігін растайтын құжаттың көшірмесін бере отырып (әлеуетті өнім берушінің бірінші басшысы келмеген жағдайда) Қазақстан Республикасы Азаматтық кодексінің 167-бабына сәйкес берілген, әлеуетті өнім беруші өкілінің уәкілеттігін растайтын құжаты (сенімхат) болуы тиіс. Тендерлік өтінімдерді қолға берудің өзге тәртібі болмайды.

Жұмысты сатып алу үшін бөлінген соманың 1 (бір) пайызы мөлшеріндегі Тендерге қатысуға берілген өтінімді қамтамасыз ету сомасы Қағиданың 10-қосымшасына сай  нысан  бойынша банктік кепілдік түрінде  немесе сатып алуды ұйымдастырушының банктік шотына кепілдік ақшалай жарнаны салғанын растаушы төлем құжаты беріледі: 

Қазақстандық теңгемен жасалатын төлемдер үшін: бенефициар – «Қазақстан Республикасының Ұлттық Банкі» республикалық мемлекеттік мекемесінің Кассалық операциялар және құндылықтарды сақтау орталығы (филиалы), «Қазақстан Республикасының Ұлттық Банкі» РММ-дегі БСН 911241000361, ЖСК КZ66125KZTJ001100100, БСК NBRKKZKX, Коды 13;

Қамтамасыз етілмеген барлық тендерлік өтінімдерді тендерлік комиссия Қағида талаптарына сәйкес келмейтін тендерлік өтінімдер ретінде қабылдамайды.

6. Тендерлік өтінімдерді берудің түпкілікті мерзімі 2020 жылғы 03 маусым (қоса алғанда) 10 сағат 00 минутқа дейін.

7. Тендерлік өтінімдер 2020 жылғы 03 маусымда 11 сағат 00 минутта мына мекенжайда ашылады: А01Т7М2, Алматы қ., Райымбек даңғ., № 511 үй, 1.90. каб.

8. Тендер талаптарын түсіндіру қажет болған кезде әлеуетті өнім берушілер 2020 жылғы 27 мамыр 10 сағат 00 минуттан кешіктірмей сатып алуды ұйымдастырушыға жазбаша сұратумен өтініш білдіреді.

Әлеуетті өнім берушілердің сұратуларын сатып алуды ұйымдастырушының келесі деректемелері бойынша жолдау қажет: А01Т7М2, Алматы қ., Райымбек даңғылы, № 511 үй, электрондық пошта мекенжайы – Abdiev@nationalbank.kz, тел. 8 (727) 25-88-779, 8 (727) 25-88-707, 8 (727) 25-88-774, 8 (727) 25-88-775.

9. Сатып алуды ұйымдастырушы сұратуды алған күннен бастап 2 (екі) жұмыс күні ішінде:

1. тапсырыс берушінің (сатып алуды ұйымдастырушының) мына интернет-ресурсында тендер талаптарын түсіндіру мәтінін жариялайды: www.nationalbank.kz;
2. тендер талаптарына рұқсат алған әлеуетті өнім берушілерге сұратудың кімнен түскенін көрсетпей, электронды пошта арқылы тендер талаптарын түсіндіру мәтінін жолдайды.

10. Сатып алуды ұйымдастырушы 2020 жылғы 29 мамыр 10 сағат 00 минуттан кешіктірмей өз бастамасымен немесе әлеуетті өнім берушінің сұратуына жауап ретінде тендер талаптарына өзгерістер және (немесе) толықтырулар енгізеді.

Тендер талаптарына өзгерістер және (немесе) толықтырулар енгізу туралы шешім қабылданған күннен бастап 2 (екі) жұмыс күнінен кешіктірмей тендер талаптарына енгізілген өзгерістер және(немесе) толықтырулар мәтінін тапсырыс берушінің мына мекенжайына орналастырады: www.nationalbank.kz.

Тендерлік өтінімдерді берудің түпкілікті мерзімі кемінде 5 (бес) күнтізбелік күнге ұзартылады.

11. Тендерге қатысуға ниет білдірген әлеуетті өнім беруші хабарландыруда белгіленген мерзімде Қағиданың 50 және (немесе) 53 тармақтарында көзделген құжаттарды береді.

Әлеуетті өнім берушінің тендерлік өтінімі Қағидада көзделген талаптарға сәйкес ресімделуі тиіс.

Әлеуетті өнім беруші өзінің тендерлік өтінімде және оған тіркелген құжаттарда берген мәліметтерінің шынайылығын растайды.

Әлеуетті өнім берушілердің тендерлік баға ұсынысы теңгемен, тиынның жүзден бір бөлігінде көрсетіледі.

12. Тендерлік өтінімдер және (немесе) баға ұсыныстары салынған конверттерді ашу рәсіміне қатысуға ниет білдірген әлеуетті өнім беруші конверттерді ашқанға дейін бір  жұмыс күні бұрын Тапсырыс берушіге пошта байланысы немесе мына электронды пошта мекенжайы бойынша: Abdiev@nationalbank.kz, уәкілетті өкілдің аты-жөні және лауазымы көрсетілген жазбаша хабарламаны, сондай-ақ жеке басын куәландыратын құжатты береді.