Хабарламаның толық мәтіні:

Баға ұсыныстарын сұрату тәсілімен cатып алуды өткізу туралы хабарландыру

       «Қазақстан Республикасының Ұлттық Банкі» республикалық мемлекеттік мекемесі «Қазақстан Республикасының Ұлттық Банкі» республикалық мемлекеттік мекемесінің Орталық филиалы (Астана қаласы) атынан (010000, Астана қаласы, Бейбітшілік көшесі, 21-үй) баға ұсыныстарын сұрату тәсілімен лифтілерге (жүк және жолаушы лифтілеріне) техникалық қызмет көрсету бойынша қызметті (бұдан әрі - Қызмет) сатып алуды өткізетіні туралы хабарлайды және аталған сатып алуларға қатысуға шақырады.

       Көрсетілетін қызмет көлемі және сатып алуға бөлінген сома – бір қызмет,

       №1 лот – ҚҚС-сыз 567 857,14 теңге сомасына жүк лифтіне техникалық қызмет көрсету (УЛЗ 621, 1000 кг ж/к, 2 аялдама);

        №2 лот – ҚҚС-сыз 514 285,71 теңге сомасына жолаушы лифтіне техникалық қызмет көрсету(LG-OTIS № 620, 630 кг.ж/к, 3 аялдама).

        Қызметтің қысқаша сипаттамасы: Лифтілерге (жүк және жолаушы лифтілеріне) техникалық қызмет көрсету.

       Сатып алынатын қызметтің техникалық ерекшеліктері Шарт жобасының қосымшасында көзделген.

       Қызмет көрсету орны: Астана қ. Бейбітшілік көшесі,21

       Талап етілетін қызмет көрсету мерзімдері: Шарт күшіне енген күннен бастап 2019 жылғы 31 желтоқсан бойынша мерзімге дейін.

Баға ұсыныстарын ұсынудың басталу мерзімі –2019 ж. «25»  ақпанда  9 сағат 00 минуттан бастап, баға ұсыныстарын ұсынудың аяқталу мерзімі - 2019 ж. «04» наурыз 18 сағат 00 минутқа дейін,  ұсыну орны - Астана қаласы, Бейбітшілік көшесі, 21-үй, 1.108-кабинет.

Баға ұсыныстарын ашу – 2019ж. «04» наурыз 18 сағат 15 минутта Астана қаласы, Бейбітшілік көшесі, 21-үй, 1.108.- кабинетте ашылады.

        Ақы төлеу талаптары: Тапсырыс беруші Шарт бойынша ақы төлеуді ай сайын Тараптардың жауапты тұлғалары көрсетілген Қызмет актісіне (бұдан әрі – Акті) қолдарын қойғаннан кейін және Жеткізуші шот-фактураны ұсынған соң                                   10(он) жұмыс күнінің ішінде Жеткізушінің банк шотына ақшаны аудару арқылы жүзеге асырады.

        Маңызды талаптары көрсетілген Шарт жобасы, соның ішінде техникалық ерекшеліктер қоса берілді.

        Өзге ақпараттар:

        Әлеуетті жеткізуші хабарландыруда көзделген мәліметтерді, құжаттарды құрайтын әлеуетті жеткізушуінің қолымен және мөрімен (бар болғанда) бекітілген қоса берілген нысан бойынша 1 (бір) ғана баға ұсынысын ұсынады.

Баға ұсыныстарын беру мерзімі аяқталған соң әлеуетті жеткізуші ұсынған баға ұсынысына өзгертулер және (немесе) толықтырулар енгiзуге жол берiлмейдi.

Әлеуетті жеткізуші өзінің баға ұсынысын баға ұсыныстарын сұрату тәсілімен сатып алу туралы хабарландыруда көрсетілген баға ұсыныстарын ұсыну күні мен уақыты аяқталғанға дейін желімделіп жапсырылған конвертте ұсынады.

Әлеуетті жеткізуші баға ұсынысы бар желімделіп жапсырылған конверттің бет жағына:

        1) әлеуетті жеткізушінің атауын және пошталық мекенжайын;

2) сатып алуды ұйымдастырушының атауын және пошталық мекенжайын;

3) әлеуетті жеткізушінің қатысу үшін баға ұсынысы ұсынылған сатып алудың атауын көрсетеді.

Өткізілген сатып алудың қорытындылары Қазақстан Республикасы Ұлттық Банкінің http://www.nationalbank.kz интернет-ресурсында орналастырылатын болады.

        Жеткізуші Шартқа қол қою кезінде келесі құжаттардың:

• заңды тұлғаны мемлекеттік тіркеу (қайта тіркеу) туралы анықтаманың;

• ҚҚС бойынша (егер салық салынса) тіркеу есебіне қою туралы куәліктің;

• толық деректемелері көрсетілген банктің анықтамасының;

• бірінші басшыны тағайындау бұйрығының көшірмелерін беруге міндеттенеді.