Ақша нарығының индикаторлары экономикада, қаржы мен банк жүйесінде үлкен рөл ойнайды. Мұндай индикаторларды компаниялар мен үй шаруашылықтарына кредит беретін банктерден бастап ақша нарықтарының туынды құралдарына дейінгі түрлі агенттер пайдаланады. Бенчмарктар орталық банктің ақша-кредит саясаты трансмиссиясының жұмыс істеуін және мониторингін қамтамасыз етуде жетекші рөл атқарады.
Қазақстан Ұлттық Банкі Төрағасының 2018 жылғы 4 маусымдағы № 207 бұйрығына сәйкес Қазақстан ақша нарығының индикаторлары бойынша жұмыс тобын (Жұмыс тобы) құрудағы негізгі мақсат – қазақстандық қаржы нарығын дамытуға үлес қосу болды. Қазіргі таңда ақша нарығын дамыту бағытындағы жұмыстар жалғасуда.
