«Қазақстан Республикасы Ұлттық Банкінің экономикалық шолуы» басылымының арнайы шығарылымы жарияланды.

Арнайы шығарылым 2023 жылғы 25 сәуірде Алматы қаласында «Ақша-кредит саясатының стратегиялық мәселелері. Жаңа экономикалық шынайылықтың сын-қатерлері» атты Ұлттық Банктің III халықаралық ғылыми-тәжірибелік конференциясында ұсынылған материалдар бойынша қалыптастырылды. 

Шолуда конференцияға қатысушы – Ұлттық Банк қызметкерлерінің, академиялық қоғамдастық, зерттеу орталықтары мен халықаралық ұйым өкілдерінің зерттеу нәтижелері ұсынылды.

Басылымдағы мақалалар конференцияның бағдарламасына сәйкес үш тақырыптық сессияны қамтыған бөлімдерге бөлінді.

• «Ақша-кредит саясатының ұзақ мерзімді стратегиясы: баға тұрақтылығын қамтамасыз ету бағдарын сандық тұжырымдау» сессиясында инфляция бойынша нысаналы бағдардың оңтайлы деңгейін айқындауға қойылатын тәсілдер, оның әлеуеттік мөлшерін бағалау және қалыптасқан талаптарға сәйкес келуі талқыланды.
• «Макроэкономикалық үйлестіру» сессиясы мемлекеттік органдардың өзара іс-қимылы мен макроэкономикалық үйлестіру мәселелеріне арналды.
• «Қазақстан Республикасындағы ішкі инфляцияның сипаты мен оның факторлары» сессиясы инфляциялық процестер мен оны төмендету шараларын түсінуге бағытталды.

Экономикалық шолудың арнайы шығарылымымен Ұлттық Банктің интернет-ресурсында танысуға болады: nationalbank.kz/kz/news/ekonomicheskoe-obozrenie

Толығырақ ақпаратты БАҚ өкілдері мына телефон арқылы ала алады:
8 (7172) 77–52–10
e-mail: press@nationalbank.kz
www.nationalbank.kz