Қазақстан Ұлттық Банкі 2022 жылғы 3 мамырдан бастап «Есте қалатын оқиғалар мен біртуар адамдар» монеталар сериясынан SEMEI IADROLYQ POLIGONYNYŃ JABYLǴANYNA 30 JYL коллекциялық монеталарының сатылымға шығатынын хабарлайды.

Монеталар www.kazcoins.nationalbank.kz платформасында ҚҰБ интернет-дүкені арқылы сатылады.

SEMEI IADROLYQ POLIGONYNYŃ JABYLǴANYNA 30 JYL монеталарының сипаттамасы:

30 жыл бұрын Тәуелсіз Қазақстан тарихында тарихи шешім қабылданды – 1991 жылы 29 тамызда Семей ядролық полигоны жабылды.

SEMEI IADROLYQ POLIGONYNYŃ JABYLǴANYNA. 30 JYL монеталарының реверсінде екі бөліктен тұратын ядролық жарылыс түрінде  бейнелер көрініс тапқан. Сол жақ бөлігі ядролық сынақтардың тарихын, үзілген өмір мен шырғалаң тағдырды бейнелейтін жарықшақтар түрінде берілген. Оң жағынан – зардап шеккен табиғатты білдіретін қураған ағаштың   бейнесін көруге болады. Қурап қалған ағаш бұтағындағы жасыл жапырақтың бейнесі – жандану мен қылаң берген үміттің белгісі.

Монеталар 925/1000 сынамада күмістен эмаль жағу технологиясымен дайындалған. Массасы – 31,1 грамм, proof дайындау сапасы бар, номиналы 500 теңгелік, таралымы
– 5000 дана және нейзильбер қоспасынан массасы 11,17 грамм, uncirculated сапасымен, номиналы 100 теңгелік, таралымы – 100 000 дана.

БАҚ өкілдері толығырақ ақпаратты мына телефон арқылы ала алады:
8 (7172) 77–52–10
e-mail: press@nationalbank.kz
www.nationalbank.kz