Қазақстанның Ұлттық Банкі дарынды жастарды іздеу және ҚҰБ құрылымында жұмыс жасауға тарту мақсатында жоғары оқу орындарының студенттерін практикадан өтуге қабылдауын хабарлайды.

Үміткерлер келесі талаптарға сәйкес болуға тиіс:            

1. Жоғары немесе жоғары оқу орнынан кейінгі білім беру бағдарламалары бойынша бітіру курстарында оқу;
2. Үлгерімнің орташа балы (GPA) – кемінде 3.0 (білімді бағалаудың 4 балдық жүйесі кезінде) немесе кемінде 4.0 (білімді бағалаудың 5 балдық жүйесі кезінде).

Іріктеуге қатысу үшін келесі құжаттарды жіберу қажет:

1. Тіркеу формасы;
2. Жоғары оқу орнының басшылығынан немесе жоғары оқу орнының факультет басшылығынан ұсыным хат;
3. Үлгерімнің орташа балын (GPA) көрсете отырып, өткен пәндер мен олар бойынша бағалар (транскрипт) көрсетілген құжат;
4. Студенттің жоғары оқу орнында оқуын растайтын оқу орнынан анықтама;

Қосымша келесі құжаттар ұсынылу мүмкін:

1. Шет тілінен емтихан тапсырғаны туралы халықаралық сертификаттардың көшірмелері (IELTS, TOEFL және т.б.);
2. Сертификаттардың, грамоталардың, дипломдардың және т.б. көшірмелері.

Практиканы Ұлттық Банкінің барлық қызмет бағыттарында өту мүмкін. Студенттер алынған  теориялық білімді практикада бекітуге және де дипломдық/магистрлік жобаны жазуға қажетті материалды жинақтауға мүмкіндік алады.

Соңғы үш жылдың ішінде Ұлттық Банкте практиканы 134 студент өтті (2017 жылы – 37, 2018 жылы – 48, 2019 жылы - 49), соның ішінде бірлескен білім беру бағдарламалар шеңберінде «Нархоз Университеті» және «Назарбаев Университеті» магистранттары.

Толық құжаттарды келесі электрондық мекенжайға жіберу қажет: assyl.ozbekalieva@nationalbank.kz .

Мемлекеттегі эпидемиологиялық жағдайына байланысты практика дистанционды форматта өту мүмкін.       

Толық ақпаратты БАҚ өкілдері келесі телефон арқылы ала алады:
+7 (717) 2 775 205
e-mail: press@nationalbank.kz
www.nationalbank.kz