ЕЭК Алқасы жанындағы Макроэкономикалық саясат жөніндегі комитет ЕАЭО-ға мүше мемлекеттердің өкілдерімен консультациялар өткізу үшін, ЕЭК Алқасының қорытындысын шығарып, ұсыныстар әзірлеу және Жоғары Еуразиялық экономикалық кеңес шешімдерінің жобалары бойынша келісілген ұстаным дайындау мақсатында құрылған.
Комитет туралы ереже ЕЭК Алқасының 2012 жылғы 16 тамыздағы №130 шешімімен бекітілген.
Комитет қызметінің негізгі бағыттары:
- макроэкономикалық саясатты іске асыруда бірегей тәсілдерді қалыптастыру
- ЕАЭО-ға мүше мемлекеттердің экономика және қаржы салаларындағы заңнамаларын үндестіру
- макроэкономикалық саясаттың негізгі бағдарларын әзірлеу
- ЕАЭО-ға мүше мемлекеттердің тұрақты экономикалық дамуына және келісілген макроэкономикалық саясатты іске асыруына бағытталған нормативтік құқықтық актілерді әзірлеу
- ЕАЭО-ға мүше мемлекеттердің экономикалық дамуына мониторинг жүргізу мақсатында олардың өкілетті органдарымен өзара ақпараттық байланыс орнату
- мемлекеттердің макроэкономикалық саясаты саласындағы заңнамасын ЕАЭО шарттық-құқықтық базасы аясында қолдану.
Комитет отырыстарына төрағалық ету және оның қызметін жалпы басқару ЕЭК Алқасының мүшесі – Интеграция және макроэкономиканың негізгі бағыттары бойынша министрі Сергей Юрьевич Глазьевке жүктелген.
Комитеттің мүшесі ретінде Қазақстан Ұлттық Банкі тарапынан Төрағаның орынбасары Ақылжан Мәлікұлы Баймағамбетов тағайындалған.
Статистика жөніндегі консультативтік комитеттің негізгі міндеті – Кеден одағы мен Бірегей экономикалық кеңістікке мүше мемлекеттердің өкілетті органдарымен консультациялар өткізу арқылы ЕЭК-тың статистика саласында қабылдайтын шешімдері бойынша ұсыныстар беру.
Комитеттің Төрағасы ЕЭК Алқасының мүшесі – Интеграция және макроэкономиканың негізгі бағыттары бойынша министрі Глазьев Сергей Юрьевич.
Комитет туралы ереже ЕЭК Алқасының 2012 жылғы 16 тамыздағы № 129 шешімімен бектіліген.
Комитет қызметінің негізгі бағыттары:
- халықаралық деңгейде салыстыруға, топтастыруға мүмкіндік беретін бірегей статистикалық стандарттар мен әдіснамаға көшуді қамтамасыз ету
- статистиканы жетілдіру бағдарламаларын әзірлеу
- статистика саласындағы бағдарламаларды үндестіру
- ЕЭК-ке статистикалық көрсеткіштер бойынша мәліметті бекітілген тізбеге сәйкес ұсыну
- тараптардың өкілетті органдарының өзара ақпараттық әрекеттестігін жетілдіру.
Төлем балансы департаментінің директоры Өскенбаев Азат Бекболатұлы, Қаржы нарығының статистикасы департаменті директорының орынбасары Жақамбаева Қорлан Сағындыққызы және Қаржы нарығының статистикасы департаменті директорының орынбасары Чабина Наталья Юрьевна Қазақстан Ұлттық Банкінен комитет мүшелері болып табылады.
Кеңес ЕАЭО-ға мүше мемлекеттердің ұлттық (орталық) банктерінің консультативтік – кеңесші органы болып табылады. Кеңестің негізгі мақсаты ЕАЭО-ға мүше мемлекеттердің ұлттық (орталық) банктерінің мандатына кіретін өзекті ақпаратпен алмасу болып табылады.
Қазақстан Ұлттық Банкінен кеңес жұмысына жоғары басшылығы (Қазақстан Ұлттық Банкінің төрағалары немесе Төрағасының орынбасарлары) қатысады.
Кеңес отырыстары ЕАЭО-ға мүше мемлекеттердің әрқайсысында кезекпен кемінде тоқсанына бір рет өткізіледі.
Бұл келісім ЕАЭО туралы шарттың 64-бабының 4-тармағына сәйкес әзірленген және ЕАЭО-ға мүше мемлекеттердегі валюталық құқықтық қатынастарды реттеу мен ырықтандыру шараларын қабылдауға қатысты тәсілдерді анықтайды, оның ішінде ЕАЭО аумағында валюталық операцияларды жүргізу үшін құқықтық жағдайлар туралау.
Келісім:
1) ЕАЭО-ға мүше мемлекеттер резиденттерінің арасында Тараптар валюталық шектеулер қолданбайтын валюталық операциялардың жабық тізбесін қалыптастыруға;
2) ЕАЭО-ға мүше мемлекеттердің резиденттері арасындағы валюталық операцияларға қатысты Тараптардың рұқсаттар (лицензиялар) алу туралы және шетел валютасын міндетті түрде сату туралы талаптарды қолданбауына;
3) резиденттердің ақшалай қаражатын репатриациялау бөлігіндегі талаптарды үйлестіруге;
4) ЕАЭО-ға мүше мемлекеттердің валюталық заңнамасын бұзғаны үшін жауапкершілік (әкімшілік және қылмыстық) туралы нормаларды үйлестіруге бағытталған.
Келісімнің жобасы ЕАЭО-ға мүше мемлекеттердің үкіметтері мен орталық (ұлттық) банктері атынан жасалатын болады.
Қазіргі уақытта Қазақстан Ұлттық Банкі Келісімнің жобасын бойынша мемлекетішілік келісу жұмыстарын жалғастыруда.
