2012 ЖЫЛҒЫ ҮЛГІДЕГІ НОМИНАЛЫ 2000 ТЕҢГЕ БАНКНОТ

 

Айналысқа енгізілген күні: 29.03.2013

Өлшемі: 139х73 мм

Бет жағы: басым түсі – ашық жасыл. Негізгі бейнелері – «Қазақ Елі» монументі (Астана қ.), киіктің стильдендірілген суреті, ұшып келе жатқан көгершіндер,  Қазақстан Республикасының мемлекеттік рәміздері: ту мен елтаңба.

Сырт жағы: басым түсі – қою жасыл. Негізгі бейнелері – Ертіс өзені бейнеленген Қазақстан картасының сұлбасы, стильдендірілген киіз үй, мемлекеттік тудың бөлігі.

 

2011 ЖЫЛҒЫ ҚАЗАҚСТАНДАҒЫ VII ҚЫСҚЫ АЗИЯ ОЙЫНДАРЫНА АРНАЛҒАН НОМИНАЛЫ 2000 ТЕҢГЕ БАНКНОТ

 

Айналысқа енгізілген күні: 17.01.2011

Өлшемі: 139х73 мм

Таралымы: 20 000 000

Бет жағы: басым түсі – жасыл. Негізгі бейнелері – «Бәйтерек» монументі (Астана қ.), ашық алақан, қола дәуірінің жартастағы бейнесі, мемлекеттік әнұранның ноттары, Қазақстан Республикасының мемлекеттік рәміздері: ту мен елтаңба.

Сырт жағы: басым түсі – көк. Негізгі бейнесі – тау аясындағы шаңғышы және VII Қысқы Азия ойындарының нышаны.

 

2006 ЖЫЛҒЫ ҮЛГІДЕГІ НОМИНАЛЫ 2000 ТЕҢГЕ БАНКНОТ

 

Айналысқа енгізілген күні: 15.11.2006

Өлшемі: 139х73 мм

Бет жағы: басым түсі – жасыл. Негізгі бейнелері – «Бәйтерек» монументі (Астана қ.), ашық алақан, қола дәуірінің жартастағы бейнесі, мемлекеттік әнұранның ноттары, Қазақстан Республикасының мемлекеттік рәміздері: ту мен елтаңба.

Сырт жағы: басым түсі – жасыл. Негізгі бейнелері – Абай атындағы Қазақ мемлекеттік академиялық опера және балет театрының ғимараты (Алматы қ.), Қазақстан картасының сұлбасы.

Назар аударыңыздар: «Қазақстан Республикасы ұлттық валютасы банкноттарының қатар айналыста болуының кейбір мәселелері туралы» Қазақстан Республикасы Ұлттық Банкі Басқармасының 2015 жылғы 28 қарашадағы № 210 қаулысына сәйкес 2006 жылғы үлгідегі номиналы 2000 теңгелік банкноттар 2016 жылғы 4 қазаннан бастап ақша айналысынан алынды.

2021 жылдың 12 маусымынан бастап 2006 жылы шыққан  банкноттарды мерзімсіз айырбастау кезеңі күшіне енгенін еске салады. Айналыстан шыққан 2006 жылғы үлгідегі банкноттарды мерзімі бойынша қандай да бір шектеусіз ҚҰБ аумақтық филиалдарында айырбастауға болатынын атап өтеміз.

 

2000 ЖЫЛҒЫ ҮЛГІДЕГІ НОМИНАЛЫ 2000 ТЕҢГЕ БАНКНОТ

 

Айналысқа енгізілген күні: 02.11.2001

Өлшемі: 144х69 мм

Бет жағы: басым түсі – жасыл. Негізгі бейнесі – Шығыстың ғалымы, ойшылы, математигі және философы Әл-Фарабидің (870-950) портреті. Қосымша қорғаныш элементтер («2000» саны бар металсыздандырылған жіп, алтын интаглио, сондай-ақ банкнотты қарау бұрышына байланысты пайда болатын, ою-өрнектің ішіндегі  «2000» саны) қолданылған.

Сырт жағы: басым түстері – жасыл және қоңыр. Негізгі бейнесі – Қожа Ахмет Ясауи кесенесінің бөлігі.

Назар аударыңыздар: «Қазақстан Республикасы ұлттық валютасының айналыстағы банкноталарын ауыстыру туралы» Қазақстан Республикасы Ұлттық Банкі Басқармасының 2006 жылғы 25 шілдедегі № 68 қаулысына сәйкес 2000 жылғы үлгідегі номиналы 2000 теңгелік банкноттар 2007 жылғы 15 қарашадан бастап ақша айналысынан алынды. 2018 жылдың 14 қарашасында бұл банкноттарды қабылдау аяқталды.

 

1996 ЖЫЛҒЫ ҮЛГІДЕГІ НОМИНАЛЫ 2000 ТЕҢГЕ БАНКНОТ

 

Айналысқа енгізілген күні: 15.11.1996

Өлшемі: 144х69 мм

Назар аударыңыздар: «Қазақстан Республикасы ұлттық валютасының айналыстағы ақша белгілерін ауыстыру туралы» Қазақстан Республикасы Ұлттық Банкі Басқармасының 2001 жылғы 29 қыркүйектегі № 377 қаулысына сәйкес 1996 жылғы үлгідегі номиналы 2000 теңгелік банкноттар ақша айналысынан алынды. Осы банкноттарды айырбастау 2013 жылғы 30 қазанда аяқталды.