«Шабандоз» күміс монетасы «Жылдың күміс монетасы» номинациясында бірінші орынға ие болды. «Регель қызғалдағы» монетасы «Монета – ең жақсы сыйлық» және «Көрермендер көзайымы» номинацияларында жеңіске жетті.  2007 жылғы 19 қазанда «Vicenza Numismatica – 2007» монета өнімінің халықаралық конкурсының қорытындылары бойынша салтанатты марапаттау рәсімі өтті. Қазақстан Республикасы Ұлттық Банкінің тантал қосылған «Ғарыш» ескерткіш күміс монетасы 2006 жылы соғылған әлемдегі ең үздік монета ретінде бірінші орынға ие болды. Марапат эстетикалық аспектілері мен монетаның мәніне берілді.