Ұлттық валюта 39 сұрақ
Ұлттық Банктің инвестициялық монеталарын қайдан сатып алуға болады?
«ALTYN BARYS» және «KÚMIS BARYS» инвестициялық монеталарын Ұлттық Банктің аумақтық филиалдары арқылы сатып алуға болады. Филиалдардың мекенжайлары мен байланыс телефондары ҚҰБ ресми сайтында «ҚҰБ туралы – ҚҰБ құрылымы – Филиалдар» бөлімінде орналастырылған.
Ұлттық Банктің коллекциялық монеталарын қайдан сатып алуға болады?
Коллекциялық монеталар Ұлттық Банктің интернет-дүкені арқылы жұмыс күндері сағат 10:00-ден 13:00-ге дейін сатылады.
Айналыстан шыққан ескі үлгідегі теңге банкноттарын қалай ауыстыруға болады?
Айналыстан шыққан 2006 жылғы үлгідегі банкноттарды Ұлттық Банктің барлық филиалдарында шектеусіз айырбастауға болады. 2006 жылдан ерте шығарылған банкноттар айырбастауға жатпайды.
Беларусь рублін қайдан айырбастауға болады?
Қазақстан Республикасындағы жеке тұлғалар қолма-қол шетелдік валютаны басқа қолма-қол шетелдік валютаға тек уәкілетті банктер мен уәкілетті ұйымдардың (банктік емес айырбастау пункттері) айрыбастау пункттерінен ғана сатып ала алады және (немесе) сата алады.
Қазақстан Республикасындағы жеке тұлғалар қолма-қол шетелдік валютаны басқа қолма-қол шетелдік валютаға тек уәкілетті банктер мен уәкілетті ұйымдардың (банктік емес айырбастау пункттері) айрыбастау пункттерінен ғана сатып ала алады және (немесе) сата алады.
Айырбастау пунктері нарықтағы сұраныс пен ұсынысқа қарай, айырбастау операцияларын жасау үшін қолма-қол шетелдік валютаның тізімін өздері белгілейді.
Осылайша, шетелдік валютаны айырбастау (соның ішінде, Беларусь рублін айырбастау) мәселесіне қатысты сұрақпен Сіз айырбастау пунктіне жүгіне аласыз.
Банктік емес айырбастау пунктерінің мекен-жайын біздің сайтымыздан білуге болады.
Еуро монетасын (номиналы 2 евро) қайдан айырбастап алуға болады?
Еуро монетасын айырбастауға қатысты сұрақтың мән-жайын тікелей уәкілетті банк пен уәкілетті ұйымның (банктік емес айырбастау пункті) айырбастау пункттерінен білуге болады. Банктік емес айырбастау пункттерінің мекен-жайын біздің сайтымыздан біле аласыз.
Еуро монетасын айырбастауға қатысты сұрақтың мән-жайын тікелей уәкілетті банк пен уәкілетті ұйымның (банктік емес айырбастау пункті) айырбастау пункттерінен білуге болады. Банктік емес айырбастау пункттерінің мекен-жайын біздің сайтымыздан біле аласыз.
Айта кетейік, уәкілетті банктер мен уәкілетті ұйымдардың айырбастау пунктері шетелдік монеталарды (мемлекеттер тобының монеталарын), соның ішінде, еуро монеталарын сатып алу, сату және айырбастау мәселесіне қатысты шешімді өздері қабылдайды.
Ұлттық Банктен шетелдік валютаны айырбастап алуға бола ма?
Қазақстан Республикасындағы жеке тұлғалар қолма-қол шетелдік валютаны басқа қолма-қол шетелдік валютаға немесе қолма-қол ұлттық валютаға тек уәкілетті банктер мен уәкілетті ұйымдардың (банктік емес айырбастау пункттері) айрыбастау пункттерінен ғана сатып ала алады және (немесе) сата алады.
Менде шетел валютасындағы мыжылған және жыртылған банкноттар бар. Осы банкноттарды қайда және қалай айырбастап ала аламын?
Егер қолма-қол ақшадағы шетелдік валютаның банкноты бүлінген болса (мыжылып, жыртылған болса) ол ақшаның айналымға қаншалықты жарамды-жарамсыз екенін анықтап алу керек.
Егер қолма-қол ақшадағы шетелдік валютаның банкноты бүлінген болса (мыжылып, жыртылған болса) ол ақшаның айналымға қаншалықты жарамды-жарамсыз екенін анықтап алу керек.
Айналымға жарамсыз, соның ішінде, төлемге жарамсыз банкноттарды ауыстыру үшін (валютаны шығарған банк айналымнан алып тастаған банкноттар) тиісті шетелдік валютамен инкассалық операция жасайтын шетелдік банктермен корреспонденттік қарым-қатынас және (немесе) келісім орнатқан екінші деңгейлі банктерге бару керек.
Тазартылған алтын құймалардың құны?
Алтын құймалардың бағасын екінші деңгейлі банктер мен уәкілетті органдар (банктік емес айырбастау пунктері) өздері бекітеді. Құймалардың бағасын банкттердің сайтынан білуге болады («Қазақстанның Халық Банкі» АҚ, «Еуразиялық Банк» АҚ, «First Heartland Jysan Bank» АҚ, «Банк ЦенрКредит» АҚ және банктік емес жекелеген айырбастау пунктері).
Тазартылған өлшемді алтын құймаларын қайдан сатып алуға болады?
Тазартылған алтын құймаларды екінші деңгейлі банктерден («Қазақстанның Халық Банкі» АҚ, «Еуразиялық Банк» АҚ, «First Heartland Jysan Bank» АҚ, «Банк ЦенрКредит» АҚ) және банктік емес жекелеген айырбастау пунктерінен сатып алуға болады. Ұйымдардың тізімін Ұлттық Банктің филиалдарынан біле аласыз. Ұлттық Банк филиалдарының мекен-жайы мен байланыс деректері сайтымызға жазылған.
Монета «proof» сапасында жасалды дегеніміз қандай мағына береді?
«Proof» сапасы – монета соққан кезде айнадай жылтыр беті жасалатын ерекше технология. Қазақстан Республикасының Ұлттық Банкі 1999 жылдан бері «proof» сапасында бағалы металлдардан коллекциялық монеталар шығарып келеді.