Қазақстан Ұлттық Банкі сарапшылар қауымдастығы өкілдерінің қатысуымен ақша-кредит саясатының (бұдан ары – АКС) қазіргі шарттары мен базалық мөлшерлеме бойынша 2026 жылғы 24 шілдеде қабылданған шешімнің қорытындысына арналған кездесу өткізді. Жиынға қатысушылар алдағы уақытта баға тұрақтылығына ықпал ететін факторларды, инфляция динамикасы мен валюта нарығындағы ахуалды талқылады.

Іс-шараға экономистер, қаржы сарапшылары мен макроэкономикалық болжаммен айналысатын мамандар қатысты. Ұлттық Банктің Ақша-кредит саясаты комитетінің мүшелері және салалық департаменттердің басшылары баяндама жасады.

Спикерлер базалық мөлшерлемеге қатысты шешім қабылдаған кезде ескерілген негізгі факторларға тоқталды. Презентация аясында сыртқы макроэкономикалық жағдай, экономиканың жай-күйі, төлем балансының негізгі үрдістері мен олардың инфляциялық болжамдарға және макроэкономикалық даму бағытына ықпалы қаралды.

24 шілдеде Ұлттық Банктің Ақша-кредит саясаты комитеті базалық мөлшерлемені +/-1 п.т. дәлізімен жылдық 16,75% деңгейінде белгілеу туралы шешім қабылдады.  Қабылданған шешім жылдық инфляцияның төмендеу үрдісін ескереді және ақша-кредит шарттарының қатаңдық дәрежесін соған сай түзетуге мүмкіндік береді.

Базалық мөлшерлеме бойынша келесі жоспарлы шешім Ұлттық Банктің Ақша-кредит саясаты комитеті бекіткен кестеге сәйкес жарияланады.

БАҚ өкілдері толығырақ ақпаратты телефон арқылы ала алады:
8 (7172) 77–52–10
e-mail: press@nationalbank.kz
www.nationalbank.kz