Тұтастай алғанда Қазақстанның төлем жүйелері арқылы (Банкаралық ақша аударымы жүйесі және Банкаралық клиринг жүйесі) 2018 жылдың қаңтар-наурыз айларында 202 780,3 млрд. теңге сомаға 10,0 млн. транзакция жүргізілді. 2017 жылғы қаңтар-наурыз айларымен салыстырғанда төлем жүйелеріндегі төлемдер саны 20,3%-ға 1 691,1 мың транзакцияға) көбейді, төлемдер сомасы 3,7% (7,7 трлн. теңгеге) азайды.

Банкаралық ақша аударымдары жүйесі (БААЖ)

2018 жылдың қаңтар-наурыз айларында БААЖ арқылы 201 379,2 млрд. теңге сомаға 3,6 млн. транзакция жүзеге асырылды. 2017 жылғы қаңтар-наурыз айларымен салыстырғанда төлемдер саны 8,5%-ға (285,7 мың транзакцияға) ұлғайды, төлемдер сомасы 3,7% (7,8 трлн. теңгеге) азайды.

Орташа алғанда бір күнде БААЖ арқылы 2018 жылдың қаңтар-наурыз айларында 3 413,2 млрд. теңге сомаға 61,5 мың транзакция өтті, бұл 2017 жылғы осындай кезеңіндегі деңгейден саны бойынша 8,5%-ға (4,8 мың транзакцияға) артық болса, сомасы бойынша 3,7% (132,1 млрд. теңгеге) аз.

Банкаралық клиринг жүйесі

2018 жылдың қаңтар-наурыз айларында бөлшек төлемдер ағыны 1 401,1 млрд. теңге сомаға 6,4 млн. құжат болды. 2017 жылғы қаңтар-наурыз айларымен салыстырғанда клиринг жүйесіндегі құжаттар саны 28,3% (1 405,4 мың құжат) көбейді, төлемдер сомасы 7,2% (94,3 млрд. теңге) көбейді.

Орташа алғанда бір күнде клиринг жүйесі арқылы 2018 жылдың қаңтар-наурыз айларында 23,7 млрд. теңге сомаға 108,1 мың құжат өтті, бұл 2017 жылғы осындай кезеңдегі деңгейден төлемдер саны бойынша 28,3%-ға (23,8 мың транзакция) және төлем сомасы бойынша – 7,2%-ға (1,6  млрд. теңге) көп.