Тұтастай алғанда Қазақстанның төлем жүйелері арқылы (Банкаралық ақша аударымы жүйесі және Банкаралық клиринг жүйесі) 2018 жылдың қаңтар-ақпан айларында 142 018,8 млрд. теңге сомаға 6,8 млн. транзакция жүргізілді. 2017 жылғы қаңтар-ақпан айларымен салыстырғанда төлем жүйелеріндегі төлемдер саны 24,1%-ға 1 326,5 мың транзакцияға) көбейді, төлемдер сомасы 1,8% (2,5 трлн. теңгеге) көбейді.

Банкаралық ақша аударымдары жүйесі (БААЖ)

2018 жылдың қаңтар-ақпан айларында БААЖ арқылы 141 098,9 млрд. теңге сомаға 2,4 млн. транзакция жүзеге асырылды. 2017 жылғы қаңтар-ақпан айларымен салыстырғанда төлемдер саны 10,7%-ға (234,7 мың транзакцияға) ұлғайды, төлемдер сомасы 1,7% (2,4 трлн. теңгеге) ұлғайды.

Орташа алғанда бір күнде БААЖ арқылы 2018 жылдың қаңтар-ақпан айларында 3 441,4 млрд. теңге сомаға 59,1 мың транзакция өтті, бұл 2017 жылғы осындай кезеңіндегі деңгейден саны бойынша 8,0%-ға (4,4 мың транзакцияға) артық болса, сомасы бойынша 0,7% (25,4 млрд. теңгеге) аз.

Банкаралық клиринг жүйесі

2018 жылдың қаңтар-ақпан айларында бөлшек төлемдер ағыны 919,9 млрд. теңге сомаға 4,4 млн. құжат болды. 2017 жылғы қаңтар-ақпан айларымен салыстырғанда клиринг жүйесіндегі құжаттар саны 32,9% (1 091,8 мың құжат) көбейді, төлемдер сомасы 9,6% (80,3 млрд. теңге) көбейді.

Орташа алғанда бір күнде клиринг жүйесі арқылы 2018 жылдың қаңтар-ақпан айларында 22,4 млрд. теңге сомаға 107,7 мың құжат өтті, бұл 2017 жылғы осындай кезеңдегі деңгейден төлемдер саны бойынша 26,9%-ға (24,6 мың транзакция) және төлем сомасы бойынша – 6,9%-ға (1,4  млрд. теңге) көп.