Сыртқы валюта нарығында 2020 жылғы 1-8 мамыр аралығындағы кезеңде бірқатар маңызды оқиғалар орын алды. Германияның Жоғарғы соты EОБ сандық жұмсарту ішінара заңсыз деп тапты, бұл шешім 750 млрд еуро көлемінде жарияланған QE бағдарламасына әсер етпейді. Елдер арасындағы сауда келіссөздерінің қайта басталғаны туралы хабарламалар аясында коронавирустық айыптауларға байланысты АҚШ пен Қытай арасындағы ықтимал қақтығыс туралы алаңдаушылық туындауда. АҚШ-тағы еңбек нарығының сәуір айындағы есебі жарияланды – ауылшаруашылық емес сектордағы жоғалған жұмыс орындарының саны 20,5 млн құрады, жұмыссыздық деңгейі 14,7% -ға өсті, екі көрсеткіш те нарықтық күтулерден жақсы болды. Еуропа елдері біртіндеп карантин шараларын әлсіретті.

Дамушы елдер валюталарының АҚШ долларына қатысты бағамдарының серпіні былайша қалыптасты:

• Мексика песосы мұнайдың баға белгіленімін көтеру және тәуекел сентиментінің жаһандық жақсаруы жағдайында 3,8%-ға (24,58-ден 23,65-ке дейін) нығайды. Елден тыс жерде жұмыс істейтін иммигранттардың жинақ ақшасын бағыттау аясында наурызда ($4,02 млрд) елге ақша аударымдары рекордтық деңгейге жетті. 
• Ресей рублі сұраныстың біртіндеп қалпына келуін күтуге байланысты мұнай бағасының өсуі жағдайында 2,4%-ға (75,36-дан 73,57-ге дейін) нығайды. Рубльдің баға белгіленіміне РФ Қаржыминінің бюджеттік қағидалар аясында валютаны күнделікті сатуды үш еседен астам арттыру бойынша жоспары, сондай-ақ РФ ОБ басшысы Набиуллинаның Э.C. ақша-кредит саясатын одан әрі жеңілдету, атап айтқанда болашақта мөлшерлемені бірден 100 базистік тармаққа төмендету мүмкіндігі туралы мәлімдемесі оң әсер етті;
• Оңтүстік Африка ранды халықаралық рейтингтерден шығарылғанына қарамастан бейрезиденттердің жергілікті бағалы қағаздарды сатып алуының жалғасуы аясында 2,4%-ға (18,81-ден 18,35-ке дейін) нығайды. ОБ басшысы инфляция бақылауда екенін және бұл экономиканы қолдау шараларын қабылдауға мүмкіндік беретінін айтты; 
• Индонезия рупиясы 2020 жылғы 1-тоқсанда экономикалық өсудің 2,97% ж/ж дейін бәсеңдеуі туралы деректердің шығуы аясында 0,3%-ға (14 882-ден 14 920-ға дейін) әлсіреді; 
• үнді рупиясы ІЖӨ-нің таргеттен 3,8% жоғары, 4,4%-ын құрайтын бюджет тапшылығы туралы деректердің шығуы аясында 0,6%-ға (75,1-ден 75,55-ке дейін) әлсіреді;
• түрік лирасы 1,1%-ға (7,01-ден 7,09-ға дейін) әлсіреді. Түркияның банктік реттеушісі валюталық операцияларды шектеу үшін бірқатар шаралар қабылдады - қаржы нарықтарындағы айла-шарғы жасау операцияларының анықтамасын кеңейтті, жергілікті банктерге 3 халықаралық банкпен түрік лирасында операциялар жасауға тыйым салды; 
• Бразилия реалы ОБ негізгі мөлшерлемені 75 б.т. 3% рекордтық төмен деңгейге дейін төмендету туралы шешімі аясында 4,4%-ға (5,49-дан 5,73-ке дейін) әлсіреді.